Nakon onoliko silnih reagiranja teksta «Pervi dan škule», triba san se uvatit sljedećeg teksta i slike kako bi upotpuni cjelinu. Generacija je burno reagirala, ali nismo postigli konačni «konsenzus»,( je se to tako danaska rece? ) ili ajmo reć zajedništvo. To ne znači da se mi ne znamo nać, nego jednostavno životne prilike ili «neprilike» govore drugacije. Pa da zaokružimo to sa još jednom slikom i novim tekstom.

Draga moja generacijo, ne moren verovat da smo uspili! Prema onome ca danaska govore pravnici i birokrati svih versti, svi mi ki smo bili dica šezdesetih, sedandesetih godišć, sad već pasanoga stoljeća, po svemu sudeći više ne bi trebali bit živi! A, pitat ćete se zac, ca sad Bebić tlapi.

Zato ca nismo imali popiturane postijice, zato ca ni bilo zaštitnih pokrovcićov na utičnice, a dobro je bilo ki je i struju kako triba ima doma, niti na botijice od mlika, zato ca nismo zakracunivali vrata, niti imali kjuci od ormarići, ke sad dica nosiju oko vrata, pa kad izgube kjuc, sa mobitelom zoveju mater ili oca, i to za svakoga imaju po jedan mobitel, za mater u livu tašku, za oca u desnu tašku, auta ki ga je ima, a oni ki su ga imali ni bilo više od fića ili stojadina, zato ca smo se vozili na balinjeri, ki god je ima i biciklicu ili romobil, potli su svi kupovali «Ponice», i nismo nosili kacige naglavu, zato ca smo pili vodu od perve funtane ili lokve na ku smo nabasali u «Kunteju» kad smo se boćom igrali, a ne oni danaska pijeju vodu iz botijice, više košta ta jedna botijica nego celi kubik vode. A, ca drugo reć nego: »Ajme meni». Ali to je neko drugo živenje, ko morda mi i ne razumimo.

Teta Dumica ni spala, ni se odmarala, ma ni momenta spocinula, odma se itila na novi nastavak svojih emisij „Sa teton Dumicon na kafu“. I tako se je u produkciji Radio Paga rodi još jedan nastavak. Poćuhajte ca van ovaj put ima za reć naša teta Dume..


NAKO USPUT!!!

Itijte oko na http://www.dobrevijesti.info/ naš novi prijateljski portal iz Slavonije. Vidijte kako lipo pišeju o našemu gradu, o kulturi, … nadam se da ćemo i dalje surađivat u ovakvom duhu i da će se promovirat naša karnevalska tradicija, običaji i kultura. Od naroda i uvik za narod…

S ponosom vam možemo javiti, da je vaš BNB.web dogovorio suradnju sa http://www.dobrevijesti.info – portalom. Naime, Dobre Vijesti su portal koji prenosi samo dobre, vesele vijesti iz hrvatskih medija. Tako da će te od sada moći pristupati našem novom prijateljskom portalu putem banera na desnoj kolumni (prijateljski portali). Portal Dobre Vijesti uređuje gosp. Mihale Silac, sa suradnisima. Zašto baš dobre vijesti? Ovako to objašnjava uredništvo portala:

Paškinje su snalažljive persone, tako mi je došla uglavu jedna štorija ko se ni dogodila. Ali da se je i dogodila, ne bi puno drugcija bila od ovoga scenarija.

Opće je poznato da se za često uporabljive riječi, koriste zamjenske skraćenice. Pa tako u ovom slučaju pogrebno poduzeće, za tisak na lentu đerlande koristi besede: „Posljednji pozdrav“, pa je usvojena poslovna skraćenica PP…. (u nastavku tekst ožalošćenog). E odovud gre caratanija.

Dolazi paškinja narucit đerlandu za susedinoga pokojnjaka:

Donosimo vam novi nastavak tete Dumice. Tetu Dumicu snima i reproducira Radio Pag. U novom nastavku poćuhajte kako se od cerenih žaruljic na našim električnim kućanskim aparatima može razvit vrsni horor film. A kako vam to pripovida teta Dumica, stvar je još ozbiljnija. Ca se dogodilo i zac je lancun preko televizije poćuhajte u novom nastavku Dume i horor….

Čuhajte me vamo, da van objasnin ca je to evolucija.

Vidite Vi dragi moji prijateji ovu današnju evoluciju, di gre ovaj svit. Jeste čuhali da su pred neki dan na televizju rekli da je tribalo pasat ijade i ijade godišć da bi od majmuna nasta covik.

Kako je vrime od karnevalov prošlo, a mi znamo da u Pag vrime od karnevalov nikad ne prolazi (ovo sam reka u cetiri oka), tako je došlo vrime da ocjenimo i ovaj karneval. Tijekon ovih zadnjih danov klali smo vam jednu anketu na ku ste vi mogli reć ca mislite, pa tako na pitanje: „Ocjenite organizaciju ovogodišnjeg karnevala“, vas 29 (slovima dvajset i devet, jušto) je reklo svoje mišljenje:

Donosimo vam novi nastavak tete Dumice. U novom nastavku teta Dumica ima problema sa fuštanom. Ca je unucić nacini od novog fuštana poćuhajte u novom nastavku dume i fuštan. Dumicu snima i reproducira Radio Pag. Piše Rosana Fabijanić, a glas posuđuje Ivo Šupraha.