Kako je vrime od karnevalov prošlo, a mi znamo da u Pag vrime od karnevalov nikad ne prolazi (ovo sam reka u cetiri oka), tako je došlo vrime da ocjenimo i ovaj karneval. Tijekon ovih zadnjih danov klali smo vam jednu anketu na ku ste vi mogli reć ca mislite, pa tako na pitanje: „Ocjenite organizaciju ovogodišnjeg karnevala“, vas 29 (slovima dvajset i devet, jušto) je reklo svoje mišljenje:

• Odlično za svaku pohvalu, glasalo je vas 14 ili ti 48,3 %

• Svake godine sve bolje, reklo je vas 6 ili 20,7 %

• Ma mogu oni to i bolje, kliknulo je njih 6 ili 20,7 %

• Isto kaj i uvik, izjasnilo se 2 kumpara/rice  ili 6,9 %

• Osjeti se recesija u karnevalu, krivo je kliknu 1 ili 3,4 %

• Ma molim te koji karneval, ni reka niki – i boje mu je

Ovu anketu ni radila nezavisna novinska agencija, „Vrata od Katin“ , nego BNB.web portal pa moremo sa sigurnošću reć da je u 50 % slučaja točna. Sitili bi vas da se javite za izložbu fotografij, ako vas je voja, pa da nastavimo tradiciju, pokazivanja paške lipote putem našeg portala. Stojte mi dobro, i deržite se daje propuha, da vas ne STISNE….