Čuhajte me vamo, da van objasnin ca je to evolucija.

Vidite Vi dragi moji prijateji ovu današnju evoluciju, di gre ovaj svit. Jeste čuhali da su pred neki dan na televizju rekli da je tribalo pasat ijade i ijade godišć da bi od majmuna nasta covik.

-         Pa ca te tote cudi?

-         Ca me cudi? Pa ca ne vidite ca se dogaja na ovome svitu, ovi rati, potresi, krize, recesije. Sitite se ca su cinli sa onih 0,5 promila, p su tornali na 0,0. Pa kad smiš i kad ne smiš fumat, ka butiga more delat u nediju a ka nesmi, triba ti dopusnko osiguranje ili ne triba….. i dane nabrajan više.

-         E, ma ne razumimo ca si sti reć.

-         Kako ne razumite. Nekad su tribale proć ijade godišć da od majmuna ucini covik, a sad preko noći od nas ciniju majmuni.